Bruktbutikk på Nordnesdagen

Aktuelt fra Nordnes idrettslag.

Nordnes IL arrangerer den tradisjonsrike Nordnesdagen 13. januar 2018! Som vanleg blir det handball, fotball og gratis pizza til NIL-barna. Denne gongen blir det også bruktbutikk med sal av pent brukt treningsutstyr.

Nordnesdagen er eit årleg fellesarrangement for NIL handball og fotball. Som tidlegare år vil påmeldte barn bli delt inn i lag på tvers av kjønn og alder, og dei speler uhøgtidlege kampar i Nordneshallen med éin omgang fotball og éin omgang handball. I tillegg blir det arrangert tilsvarande kamp mellom foreldre og ungdommar i klubben. Deretter ventar pizza og sosialt samvær.

Som eit nytt innslag set vi opp ein liten bruktbutikk. Innsamlinga av varer startar allereie nå, så vi ber alle medlemmer og NIL-venner om å finne fram pent brukte sko, klede og anna treningsutstyr, som ikkje lenger er i bruk. Utstyret kan leverast til trenarar og lagleiarar i både handball- og fotballgruppa, og vil bli seld på Nordnesdagen til ein svært rimeleg pris. På denne måten håper vi at utstyret kan vere til glede og nytte for nye eigarar, samtidig som vi legg til rette for større grad av gjenbruk. Inntektene går til klubben.

Innlegget er fra Nordnes il sin hjemmeside

ANNONSE