Vil du ha ein liten hage?

Det kan bli deg som får ein plass i Takhagen.

Har du lyst på ein miniparsell i takhagen ved Sjøfarernes aldershjem? Meld deg på her! Begrensa plass, så her er det fyrst til mølla, skriv Bærekraftige liv på Nordnes, og sprer linken til kor du kan melde di interesse.

Vi hører med Elin Hestenes i Bærekraftige liv kva dette betyr.

– Takhagen på Nordnes er i utgongspunktet ein felleshage, og det skal den fortsetja å vera. Men no inviterer me i tillegg til at folk som vil kan få ein eigen miniparsell, altså sin eigen pallekarm med jord i, der dei kan dyrka det dei har lyst til. Dei store kassene, nokre små og alle bærbuskar og frukttre er felles.

Det er gratis å få ein pallekarm, men du bør vite at du har tid til å ta deg av den.
– Det som er viktig er at dei som har lyst til å ha ei kasse veit at dei faktisk har tid til å stella den. Dersom du er borte heile sommaren er det kanskje betre å la nokon andre få sjansen, seier Hestenes.

For å få sjansen gjeld det å vera raskt ute. Det er fyrst til mølla som gjeld.

Her kan du søkje om plass