Innsenderen oppfordrer til å se filmen «Tomorrow». Foto/screenshot: Biff.no
Anbefaling til film på BIFF.
Dessverre kan ein ikkje få med seg alt på BIFF, og eg for min del rekk berre 2 filmer på grunn av jobbreising og seinferie. Men så glad for at eg fekk med meg Tomorrow! Det er ein fransk dokumentar, ei gruppe filmskapere set seg ned og finn ut at dei vil lage ein film som kan peike på muligheter og svar til den kommande klimakrisa.
Det fins nok av dommedagsprofetiar og dommedagsfilmar, men svært lite av denne typen “folkeopplysning”. Tomorrow var betre enn eg hadde venta utfrå ein slik vaskeseddel. Filmen gjev «mat» til tanken og til handling, for den fantastisk gode nyheten er at det faktisk er svært mykje vi kan gjere. Masse faktaopplysningar som ein må tygge på/diskutere, t.d at det er små gardsbruk som leverer ca 70% av menneskeføden pr.i dag ! Smak på den, du!
Det er fordi store delar av industri-jordbruket faktisk går til dyreføde, og at svært mange menneske dyrkar sjølv det dei har til mat – dei har ikkje pengar til å kjøpe mat. Minus for at filmteksten var på engelsk, som vil ekskludere ein del folk. Blir vist igjen i dag, torsdag 22.sept klokken 20:35 og onsdag 28.kl.13:25
Hanne Indrehus
Vil du skrive litt om filmer du ser? Send til post@nordnesrepublikken.no
Følg Nordnesrepublikken
Facebook
Twitter
Instagram